Shpallje vend i lirë pune

Në mbështetje të nenit 158, pika 3, gërma “a”, dhe “ë” të ligjit nr.9901, datë 14.04.2008 “Për Tregtarët dhe Shoqëritë Tregtare”, (i ndryshuar); ligjit nr.7961, datë 12.07.1995 “Kodi i Punës së Republikës së Shqipërisë” (i ndryshuar); Politikën e Burimeve Njerëzore në KESH sh.a, Shoqëria KESH sh.a shpall konkursin për vend të lirë pune “Ndihmes Turbinist” në Sektorin e Shfrytëzimit, Njësia Prodhuese HEC Fierzë.  

Kandidati duhet të plotësojë kërkesat e përgjithshme të pranimit në punë

Kualifikimi Minimal / Kompetencat

• Arsim Profesional Mekanike;
• Të ketë aftësi të mira komunikuese dhe menaxhuese;
• Kualifikime të tjera (kanë përparësi).

Përshkrimi i shkurtër i punës

• Nd/turbinisti është përgjegjës per shfrytezimin brenda kushteve teknike të paisjeve që ndodhen në sallën e Turbinave
• Detyrat e nd/turbinistit
  • Të njohë dhe të zbatojë rregulloret e shfrytëzimit të agregatëve dhe paisjeve ndhmëse, parimin e punës, anën funksionale të tyre.
  • Të njohë rregulloren e sigurimit teknik dhe MNZ-se, si dhe detyrat që rrjedhin prej tyre.
  • Të zbatojë urdhërat e turbinistit dhe dispecerit te centralit, të dhënë me gojë ose të shënuara në librin e urdhërave.
  • Të mbajë rregull, disiplinë dhe pastërti në ambjentet e punës duke mos lejuar persona të tjerë në vendin e punës.
  • Të mirëmbaje veglat dhe paisjet e punës sipas inventarit.
  • Një herë ne vit do ti nënshtrohet me shkrim provimit për vendin e punës të organizuar nga drejtoria dhe do të paiset me lejen përkatëse të ushtrimit të vendit të punës.
  • Të pasqyroj në librin e parametrave të dhënat e aparateve matëse.
  • Të kontrollojë herë pas here gjatë turnit parametrat e agregatëve e paisjeve ndihmëse pavarësisht nëse janë në punë apo jo dhe ti krahasojë ato me parametrat e mëparshëm, duke marrë masa menjëherë në rast se vërehen devijime nga parametrat normale dhe për këtë lajmërohet ing. i turnit.
  • Të njoftoje dispeçerin e centralit për të gjitha anomalit, difektet e vrejtura dhe ndërprerjet e punës së agregatëve, paisjeve ndihmëse dhe të pasqyrojë në librin e bisedimeve operative saktë kohën dhe rrethanat e ndodhjes së tyre.
  • Të zbatoi urdhërin e dispecerit te centralit për kontrollin, përgatitjen për lëshimin, ndalimin e agregatëve e paisjeve ndihmëse të raportoi dhe të jetë në gatishmëri për veprime të tjera.
  • Pas përfundimit të remonti në agregat dhe paisje të tjera duhet të asistoje në kontrollin përfundimtare dhe të marren të gjitha masat e sigurimit teknik për kalimin e agregat dhe paisje në shfrytëzim deri në lëshimin e tij.
  • Gjatë shërbimit të mos merret me punë të tjera që nuk hyjnë në detyrat e shërbimit si: (lexim gazete, libri ose telefoni/internet, bisedime me persona të jashtëm etj).
  • Nd/turbinisti në mënyrë të vazhduar duhet të kontrollojë agregatet dhe paisjet për:
  • Gjëndjen e bashkimeve me bullona, hermetizimin e lidhjeve në tubacionet e ujit, ajrit dhe vajit.
  • Rrotullimin e qetë të agregatit, pa rrahje dhe vibrime.
  • Gjëndjen e kushinetave, nivelet e vajrave dhe temperaturën e tyre.
  • Gjëndjen e transmisioneve, xhuntove dhe fllanxhave lidhëse.
  • Gjëndjen e sistemit të rregullimit.
  • Gjëndjen e spinotave të sigurisë.
  • Funksionimin normal të nyjes së hermetizuesit në kapak të turbinës.
  • Nivelet e ujit në kapak të turbinës, puseta dhe galeri.

Paraqitja e dokumentave

Kandidati duhet të paraqesë brenda datës 05.12.2024, në Departamentin e Burimeve Njerëzore këto dokumenta:

• Kërkesën për aplikim
• Curriculum Vitae
• Çertifikatë përbërje familjare
• Fotokopje të diplomës dhe listës së notave të noterizuara
• Çertifikata kualifikimi (në rast se ka)
• Vlerësim pune nga punëdhënësi i fundit
• Dëshmi e gjendjes gjyqësore dhe mjekësore